• Today is: Thursday, March 28, 2024

GËNJESHTRA E KINËS PRODHOI VDEKJE

EA
April20/ 2020

E shqetësuar për imazhin e saj global, Kina tani po përpiqet të mbulojë gabimet e saj. Regjimi komunist kinez është përpjekur të minimizojë dhe fshehë shtrirjen e koronavirusit me muaj të tërë, duke raportuar se shifrat e rasteve me koronavirus ishin shumë më poshtë se sa duhet të ishin dhe duke shpresuar se pjesa tjetër e botës nuk do e merrte vesh.

Shumë në mediet kryesore ranë pre e kësaj dredhie, por megjithatë, skepticizmi global drejt Kinës me të drejtë ka vazhduar të rritet. Kina lëshoi një raport javën e kaluar që ngriti numrin e vdekjeve në Wuhan, rajoni në të cilin kishte origjinën e virusit, me më shumë se 50%.

Tani Kina po raporton se më shumë se 3,869 njerëz kanë vdekur nga virusi COVID-19 në Wuhan, një rritje prej 1,290 nga shifra e saj e mëparshme, shkruan Wall Street Journal, përkthyer  dhe përshtatur nga Konica.al.

Numri i çështjeve të konfirmuara gjithashtu shkoi në 50.333. Megjithatë, vetëm disa javë më parë, na u tha që Kina kishte virusin plotësisht nën kontroll.

Ka një shpjegim të thjeshtë: Kina gënjeu.

Kjo duhet të jetë mjaft e qartë, duke marrë parasysh që Presidenti Xi Jinping gënjeu për ekzistencën e virusit në radhë të parë, e minimizoi rrezikun për muaj të tërë, pretendoi se nuk ishte ngjitëse.

Ndërkohë, koronavirusi u përhap, duke vrarë mijëra njerëz më shumë nga sa qeveria do të dëshironte të pranonte, sipas dëshmive të shtetasve kinezë që jetojnë në Wuhan.

Dhe tani që Xi është konfrontuar me këtë mashtrim, qeveria e tij po përpiqet të tërheqë pretendimet e saj të mëparshme. Por ne nuk kemi arsye të besojmë shifrat e reja të Kinës, e as nuk duhet të mbështetemi në të dhënat e saj, shkruan Wall Street Journal, përkthyer nga Konica.al.

Ky është një regjim i njohur për pandershmërinë e tij të zakonshme dhe autoritarizmim, një regjim që kujdeset më shumë për imazhin e tij publik sesa shëndetin e komunitetit global.

Dhe kostoja ka qenë vdekjeprurëse./ Gazeta FAKTI

Bangkok Post: Topic