Fituesi i Nobelit në Mjekësi në vitin 2008, Luc Montagnier, pretendon se COVID-19 doli nga një laborator në Wuhan, i cili po përpiqej të krijonte një vaksinë kundër HIV. Kjo është një hipotezë që mund të ringjallë edhe një herë debatin mbi origjinën e koronavirusit.
I pyetur se nga se mendonte se erdhi ky virus i panjohur Montagnier tregoi:
‘Laboratori i Wuhan është i specializuar për trajtimin e koronaviruseve që nga viti 2000. Ata kanë futur sekuencën e HIV në gjenomin e koronavirusit në përpjekje për të krijuar vaksinën e HIV. Prandaj koronavirusi i ri është një virus i dalë nga laboratori kinez’.
Më tej ai thotë se pretendimin e tij e mbështet edhe një koleg i tij matematicien me emrin Claude Perrez.
Sipas fituesit të Nobelit në Mjekësi, një ekip studiuesish indianë ishin përpjekur për të botuar një studim të ngjashëm me idenë e tij që tregonte se gjenomi i plotë i koronavirusit kishte sekuenca të një virusi tjetër, të HIV, pra virusit të AIDS-it, shkruan një media e huaj.
‘Por studiuesit “u tërhoqën”, tha ai. ‘Prandaj kjo puna e virusit të ardhur nga kafshët është një legjendë e bukur por e pamundur’, shton Montagnier.
Këto zbulime të profesorit forcojnë dyshimet që disa krerë shtetesh kanë shprehur kohët e fundit, duke filluar nga presidenti francez Emmanuel Macron. Në një deklaratë të fundi Macron ka thënë: Disa gjëra kanë ndodhur atje që ne nuk i dime.
Në të njëjtën kohë, zyrtarë amerikanë kanë njoftuar se po hetojnë nëse virusi doli nga laboratori kinezë.
Por sa të besueshme janë argumentet e fituesit të Nobelit?
Nëse atij bashkë me shkencëtarin Francoise Barrë Sinoussi iu dha Nobeli për zbulimin e virusit të Aids-IT në 1983, Le Figaro kujton se në nëntor 2017, 106 akademikë kundërshtuan teoritë e tij ekstreme.
“Ne nuk mund të pranojmë nga një koleg që të përdorë çmimin e tij Nobel për të shpërndarë, jashtë fushës së të tij, mesazhe të rrezikshme për shëndetin, në kundërshtim me etikën që duhet të kryesojë shkencën dhe mjekësinë.”
Luc Montagner u rreshtua mes shkencëtarëve kundër vaksinimit. Vitin e kaluar ai nxori teori të diskutueshme për origjinën e HIV dhe transmetimin e tij. Ai pretendoi se disa njerëz mund të mposhtnin virusin falë sistemit të tyre imunitar.
Fox News nxjerr provat: Koronavirusi doli nga laboratori në Wuhan, cili ishte qëllimi i Kinës
Televizioni i njohur amerikan Fox News në një artikull që e konsideron ekskluziv, shkruan se ka besim në rritje se shpërthimi COVID-19 ka të ngjarë të ketë origjinën në një laborator në Wuhan të Kinës, megjithëse jo si një armë biologjike, por si tentativë e Kinës për të demonstruar se përpjekjet e saj për të identifikuar dhe luftuar viruset janë të barabarta ose më të mëdha se aftësitë e Shteteve të Bashkuara.
Burimet besojnë se transmetimi fillestar i virusit – një lloj natyral që po studiohej atje – ishte i shpejtë te njeriu dhe se “pacienti zero” punonte në laborator, pastaj kaloi në popullatë në Wuhan.
Ajo që bien dakord të gjitha burimet është mbulimi i gjerë i të dhënave dhe informacionit në lidhje me COVID-19 të orkestruar nga qeveria kineze.
Dokumentet detajojnë përpjekjet e hershme të mjekëve në laborator dhe përpjekjet e hershme të kontrollit. Tregu i lagësht Wuhan fillimisht u identifikua si një pikë e mundshme e origjinës, por atje nuk shiteshin lakuriqë dhe burimet i thonë Fox News se fajësimi i tregut të lagësht ishte një përpjekje e Kinës për të shmangur fajësinë nga laboratori, së bashku me përpjekjet e vendit për propagandë që synonin SHBA dhe Italinë.
Duke iu përgjigjur raportit, Gjeneral Mark Milley, kryetari i Shefave të Përgjithshëm të Shtabit, tha të martën pasdite: “Nuk duhet të jetë befasi për ju që ne kemi shumë interes rreth kësaj çështjeje. Unë thjesht do të thoja në këtë pikë se të dhënat nuk janë përfundimtare, megjithatë pesha e provave tregon se burimi (Covid-19) është natyror por ne nuk e dimë me siguri”.
“Edhe sot, unë shoh që ata mbajnë informacione dhe mendoj se duhet të bëjmë më shumë për të shpërndarë të dhënat”, tha sekretari i mbrojtjes Mark Esper për “America’s Newsroom” të mërkurën, duke iu referuar Kinës. Esper shtoi se ai nuk do të flasë për “raportimin e inteligjencës”, por që “shumica e njerëzve besojnë se filloi natyrshëm.
“Mendoj se në kohën e duhur, pasi të kemi kaluar pandeminë në të cilën jemi tani, do të ketë kohë të shikojmë prapa dhe vërtet të vërtetojmë atë që ndodhi dhe të sigurohemi që kemi një kuptim më të mirë në mënyrë që të mund ta parandalojmë këtë në të ardhmen”, shtoi ai.
Burimet tregojnë për strukturën e virusit, duke thënë se hartografia e gjenomit tregon në mënyrë specifike se nuk ishte ndryshuar gjenetikisht.
Duke folur në “The Story” të mërkurën në mbrëmje, Sekretari i Shtetit Mike Pompeo theksoi: “Ajo që ne dimë është që ne e dimë se ky virus ka origjinën në Wuhan, Kinë. Ka ende shumë për të mësuar. Ju duhet të dini që qeveria e Shteteve të Bashkuara po punon me zell për ta kuptuar atë.”/ Gazeta FAKTI