Shqipëria dhe Maqedonia nënshkruan një marrëveshje bashkëpunimi në fushën e pronësisë industriale.
Dokumenti u nënshkrua dje në Tiranë nga drejtori i Zyrës Shtetërore të Pronësisë Industriale të Maqedonisë (DZIS), Blerim Idrizi dhe Rowena Beqiraj, drejtore e përgjithshme e Drejtorisë së Përgjithshme Shqiptare të Pronësisë Industriale (DPPI).
– Qëllimi i këtij takimi ishte nënshkrimi i marrëveshjes së bashkëpunimit në fushën e pronësisë industriale me qëllim të thellimit të bashkëpunimit mes dy vendeve. Dy drejtorët shprehën gatishmëri reciproke dhe dëshirë të mirë për bashkëpunim në këtë fushë me qëllim rritjen e ndërgjegjësimit për të drejtat e pronësisë industriale, gjë që do të sigurojë zbatimin sa më efikas të këtyre të drejtave për vendet përkatëse- thuhet në njoftimin e dy institucioneve. .
Drejtori Beqiraj vlerësoi se kjo marrëveshje është e një rëndësie të madhe.
– Nënshkrimi i kësaj marrëveshjeje është një detyrim strategjik i Drejtorisë së Përgjithshme të Pronësisë Industriale për të forcuar më tej marrëdhëniet dypalëshe në nivel ndërkombëtar me zyrat kolektive në fushën e pronësisë industriale – tha ajo, thuhet në njoftimin e DPPI.
Të dy kolegët shprehën gatishmërinë e tyre për të bashkëpunuar në këtë fushë me qëllim rritjen e ndërgjegjësimit për të drejtat e pronësisë industriale, duke siguruar kështu zbatimin sa më efektiv të këtyre të drejtave për vendet përkatëse.
Sipas njoftimit të Institutit Maqedonas për Pronësi Industriale, në takim ka marrë pjesë edhe drejtori i përgjithshëm i Agjencisë për Pronësi Industriale të Republikës së Kosovës, Isa Dukaj. Ky takim ishte “rezultat i bashkëpunimit shumë të mirë mes tre vendeve tona”.
– Të trija zyrat ranë dakord reciprokisht për organizimin e aktiviteteve dhe koordinimin e nismave të përbashkëta, që kanë për qëllim kryesisht promovimin dhe ndërgjegjësimin për të drejtat e pronësisë industriale, zbatimin e tyre, por edhe aktivitetet që kanë të bëjnë me promovimin e treguesve gjeografikë – thuhet në njoftimin e DZIS, transmeton Gazeta FAKTI.