Në tri shkolla në Serbi, nxënësit kanë bërë listat e nxënësve që do të vrasin, ka konfirmuar Ministria e Punëve të Brendshme e Serbisë për mediat e atjeshme.
Të gjithë ata janë ndaluar së bashku me prindërit e tyre dhe janë denoncuar nga nxënësit dhe prindërit e tjerë.
“Ju bëj me dije se në datën 08.05.2023, në orët e mëngjesit gjatë orës së 4-t, një nxënës i shkollës sonë ka bërë një listë të nxënësve “të cilët dëshiron t’i vrasë”.
“Për ngjarjen jemi njoftuar nga mësuesja e lëndës e cila ka sjellë nxënësin në zyrën e drejtorit. Menjëherë thirrëm policin e shkollës dhe nxënësi u intervistua në prani të pedagoges, ndihmësdrejtoreshës dhe drejtorit të shkollës”, thuhet në letrën që ka marrë nga prindërit.
Listat janë bërë edhe nga dy nxënës të klasës së 5-të në shkollën fillore Bora Stankoviq në Vozhdovc, si dhe një nxënës nga një shkollë në Bajina Bashta.