Nëse bëhet një sublimim telegrafik i gjithë veprimtarisë një vjeçare të Ansamblit Shqiptar të Shkupit, shumatorja e përgjithshme do të shtrihej në gjithsejt 18 projekte: 4 koncerte premierë, 2 valle premierë, 6 realizime audio e video: valle e koncerte, 3 pjesëmarrje me prezantime programi jashtë shteti, 3 monografi autoriale, 5 pjesëmarrje në evenimente të rëndësishme shtetërore, intervista, takime të rëndësishme, marrëveshje bashkëpunimi, konsolidim artistik e administrative
Beteja për të qenë i suksesshëm nuk mbaron asnjëherë kur përfundon maratona, sepse të suksesshmit gjithë vrapin e tyre e kanë maratonë. I tillë është edhe drejtori i Ansamblit Shqiptar të Shkupit, Shkodran Tolaj, i cili maratonën e 2022-tës nuk po e përmbyll, por po eshënion me disa të arritura. Ai premton se viti pasues – 2023 do të jewtë edhe më dinaim në përmbajtje dhe cilësi. Prurjet artsitike që ai ka paraljmrëuar do të jenë sihariqi i radhës, kurse para opinionit publik kësaj radhe do të rekapituloj të arriturat dhe sukseset e vitit që po lëmë pas.
Në vitin 2022, Ansambli Nacional i Këngëve dhe Valleve Shqipe në Republikën e Maqedonisë (i njohur tash më vetëm si Ansambli Shqiptar), realizoi me sukses disa koncerte premierë, siç ishin: “Dita e plisit” (17 shkurt 2022) në bashkëpunim me Ministrinë për Sistem Politik dhe Marëdhënie në mes Bashkësive- Teatri shqiptar Shkup, koncerti tematik dedikuar Gani Grubit, (9 maj 2022) në Filharmoninë e Maqedonisë, koncert premierë për 109 vjetorin e alfabetit shqip (22 nëntor 2022) në Qendrën për Kulturë në Manastir, i cili u transmetua i drejtpërdrejt në Televizionin e Maqedonisë dhe Televizionin Shqiptar, koncert premierë për 110 vjetorin e shtetit shqiptar, (28 nëntor 2022) në Teatrin e Operës dhe Baletit, Shkup, (transmetim i drejtpër drejt në Televizionin e Maqedonisë dhe Televizionin Shqiptar.
Përpos koncerteve, Ansambli Shqiptar realizoi me sukses edhe vallet premierë: Vallja e Dibrës (muzika Valton Beqiri, koreograf Gjergj Prevazi, nëntor 2022), vallja e Dërvenit ( koreograf Artan Ibershimi, nëntor 2022).
Përveç këtyre programeve, Ansambli Shqiptar në vitin 2022, u shqua edhe për disa material ekskluzive audio dhe video: realizim i CD- së së Shaban dhe Enver Stafaj, shtator 2022, realizim video i valles së Karadakut tetor 2022, realizim video i valles “Trashëgimtarët e Uskanës” (tetor 2022), realizim video i valles së Pollogut, (tetor 2022), Realizim i emisionit televiziv, koncertit të Musa Piperkut, tv 21, (maj 2022), realizim i spektaklit televiziv “Nënë Tereza, shënjtorja e gjithë botës” bashkëpunim më Klan Tv dhe “Guga production” (5 shtator 2022).
Konfirmim i të arriturave dhe suksesve të Ansamblit Shqiptar janë edhe çmimet ndërkombëtare: Çmimi i parë në Festivalin ndërkombëtar “Duna Karneval” ,Hungari (4-12 qershor 2022), çmimi i parë në festivalin më të madh të folklorit në botë “Buyukcekmece” Istanbul (28 korrik – 6 gusht 2022).
Ansambli Shqiptar shkëliqmin e vet artistik e ndau edhe me publikun, me pjesëmarje në disa manifestime, brenda dhe jashtë vendit,me karakter evokues dhe festuv, siç ishin: “Flaka e janarit” 16 janar 2022 ( në bashkëpunim me Ministrinë për Sistem Politik e Marëdhënie në mes Bashkësive), koncert për Ditën e mësuesit, 7 mars 2022, Bujanoc, bashkë me “Tanec” dhe “Klapa Filip Deviq” nga Kroacia – koncert i përbashkët për nder të marrëdhënieve diplomatike 30 vjeçare Kroaci – Maqedoni e Veriut , organizuar nga Ministria e Punëve të Jashtme, pjesëmarrje në “Expo-Dubai” (20-24 shkurt 2022), pjesëmarrje në festivalin “SARAJ FEST”- Komuna Saraj (6 maj 2022), pjesmarrës në koncertin e organizuar nga FC Shkupi – Sheshi Skenderbeu (15 maj 2022), pjesëmarrës në Ditët e Ilindenit në Pelincë dhe Krushevë (2 gusht 2022).
Përpos veprimtarisë muzikore, Ansambli Shqiptar në vitin që po lëmë pas ka shënuar edhe disa suksese në fushën e botimeve, duke botuar monografinë “Lorenc Antoni – jeta dhe vepra”, autor Emin Azemi (dhjetor 2022), monografinë “Trio Zajazi – jeta dhe vepra”(dhjetor 2022), si dhe monografinë “Gani Grubi jeta dhe vepra” (dhjetor 2022).
Arritjet administrative dhe institucionale të Ansamblit Shqiptar në vitin 2022, ishin treguesit më real të ngjitjes së tij në grafikonin e sukseseve. Vlen të përmendet marrëveshja e bashkëpunimit me Universitetin AAB, më rastin e ditës ndërkombëtare të vallëzimit 8 prill 2022, por nuk munguan edhe takime të rëndësishme me personalitete të njohura, ambasadorë, drejtorë institucionesh, dhjetëria emisione në në radio e televizion, intervista dhe promovim i ansamblit në të gjitha mediat e shkruara e televizive!
Nëse bëhet një sublimim telegrafik i gjithë veprimtarisë një vjeçare të Ansamblit Shqiptar, shumatorja e përgjithshme do të do të shtrihej në gjithsejt 18 projekte: 4 koncerte premierë, 2 valle premierë, 6 realizime audio e video: valle e koncerte, 3 pjesëmarrje me prezantime programi jashtë shteti, 3 monografi autoriale, 5 pjesëmarrje në evenimente të rëndësishme shtetërore, intervista, takime të rëndësishme, marrëveshje bashkëpunimi, konsolidim artistik e administrative.
