• Today is: Thursday, July 18, 2024

Deputetja Ermina Leka-Perlaskaj vizitoi ITSHKSH-në

fakti
October13/ 2022

Shkup, 13 tetor – Deputetja e Parlamentit Kroat, Ermina Leka-Perlaskaj, sot u prit nga drejtori i ITSHKSH-së, prof.dr. Skender Asani, me ç’rast u shkëmbyen përvoja dhe ide për një bashkëpunim të mundshëm në të ardhmen në fushën e senzibilizimit të problematikave kulturore e shkencore.
Nuk ka asnjë përshkrim të disponueshëm
Depuetja Perlaskaj e njoftoi drejtorin Asani me disa aspekte të organizimit kulturor e shoqëror të shqiptarëve në Kroaci. Ajo tha se në këtë shtet funksionojnë tetë qendra kulturore të shqiptarëve, objeket e të cilave tash më janë në pronësi  të këtyre qendrave.
Duke folur për lidhjet e Shkupit dhe Zagrebit në planin e bashkëpunimeve të gjithanshme, drejtori Asani dhe deputetja Perlaskaj planifikuan që në të ardhmen të shpeshtohen vizitat e ndërsjella me karakter pune, ku do të spikasin çështjet e karakterit historik, arsimor e kulturor të shqiptarëve në të dyja vendet.
Nuk ka asnjë përshkrim të disponueshëm
Drejtori i ITSHKSH prof. dr. Skender Asani i dhuroi deputetes Perlaskaj një përzgjedhje titujsh të botuar kohët e fundit, përmes të cilëve u shpalos edhe një konologji hulumtimesh e kërkimesh në fusha të ndryshme.
Nuk ka asnjë përshkrim të disponueshëm