Shkupi propozon platformën “Iniciativa 8” për Tiranën dhe Sofjen

Shkup, 3 janar/ Gazeta FAKTI – Ministri Osmani, siç kumtoi MPJ, në vetë fillimin e vitit të ri, dërgoi letër deri te ministret e Punëve të Jashtme të Bullgarisë dhe Shqipërisë Ekaterina Zaharieva dhe Olta Xhaçka, përmes së cilës propozon  iniciativë të re  multidisiplinare , platformë politike përmes së cilës mund të   intensifikohet dhe thellohet  bashkëpunimi i ndërsjell, si interes strategjik për të tre shtetet.Përshpejtimi i projekteve investuese infrastrukturore, energjetike dhe të komunikacionit përgjatë Korridorit tetë, ndërtimi i platformës politike për përparim të bashkëpunimit të ndërsjellë, intensifikimi i këmbimit politik, ekonomik, kulturor, i sigurisë dhe shoqëror janë pjesë e “Iniciativës 8”, e cila është propozim platformë për bashkëpunim trilateral ndërmjet Maqedonisë së Veriut, Bullgarisë dhe Shqipërisë të cilën e dërgoi ministri i Punëve të Jashtme Bujar Osmani deri te homologët e tij nga këto shtete, lajmëron MIA.
“Iniciativa 8” parasheh bashkërendim trilateral dhe bashkëpunim për mbështetje të projekteve investuese  përgjatë Korridorit tetë. Mënjanimi i arsyeve për anulim të përhershëm të këtyre projekteve do të paraqesë  impuls pozitiv  për  bashkëpunim plotësues politik, ekonomik, kulturor, të sigurisë dhe shoqëror ndërmjet tre vendeve,  do të ketë kontribut adekuat edhe në përparimin e  bashkëpunimit  të tërësishëm dhe përforcimin e sigurisë në rajon, ndërsa do të ketë ndikim të veçantë edhe mbi  qëllimin e përbashkët për perspektivat evropiane të gjithë rajonit.
“Në bazë të qëllimit tonë  për përshpejtim të  projekteve infrastrukturore, energjetike dhe komunikacionit përgjatë Korridorit tetë,  të ndërtojmë  pëatformë politike e cila do të paraqesë  forum plotësues  për përparimin e bashkëpunimit të ndërsjellë, intensifikim të këmbimit politik, kulturor, të sigurisë, ekonomik dhe shoqëror, që gjithsesi do të rezultojë  edhe me përforcim të besimit  ndërmjet popujve tanë,  si shtyllë bazë në ndërtimin e miqësisë së ndërsjellë afatgjate”, shkruan në letrën e Osmanit deri te Zaharieva dhe Xhaçka.