Sipas një sondazhi të bërë 6200 mjekë të 30 vendeve të ndryshme në botë ka rezultuar se ilaçi kundër malaries që quhet hidroksiklorokinë është mjekimi më i mirë për të luftuar pandeminë e Covid-19. Por megjithatë Organizata Botërore e Shëndetësisë ka thënë se nuk ka prova se ky ilaç mund ta parandalojë pandeminë, por pavarsisht deklaratës shumë mjekë në Kinë, SHBA dh Europë e kanë përdorur tek pacientët.
Fillimsht ky ilaç u rekomandua nga presidenti i Amerikës, Donald Trump, pavarsisht se shumë prej shteteve e morën si deklaratë ta pabazuar në fakte. Ndërkohë para disa ditësh, Administrata e Ushqimeve dhe Barnave e aprovoi në mënyrë urgjente që të përdoret tek pacientët, shkruan DailyMail
Kurse guvernatori i shtetit të Michiganit, demokrati Gretchen Whitmer, kishte kërcënuar mjekët që do të përdorinin këtë bar, ndërkohë tani kërkon furnizime për të.
Hidroksilklorikina është një ilaç që përdoret kundër malaries. Ilaçi ka edhe shumë efekte anësore duke përfshirë të përzierat, të vjella, humbje të dëgjimit, ndryshime në shikim dhe presion i ulët i gjakut.
Britania, Gjermania dhe SHBA-ja janë tre vende të tjera të prekura nga virusi. Covid-19 është përhapur edhe në Ballkan, pasi çdo ditë ka raste të reja, në Greqi, Mal të Zi, Maqedoni e Veriut. Në Kosovë janë të infektuar 126 persona dhe është shënuar një viktimë. Në Shqipëri numri i personave të infektuar ka shkuar në 304 dhe 17 persona kanë ndërruar jetë./ Gazeta FAKTI