Ministri i Shëndetësisë i Republikës së Kosovës Armedn Zemaj ka treguar edhe një herët që nga sot hyjnë në fuqi masat e reja kundër COVID-19, të cilat thotë se është dashur të vendosen për shkak të mosrepektimit të masave liruese.
Sipas Zemajt, do të ketë dënime për mosrespektuesit e rregullave, të cilat do të mbikqyren dhe shqiptohen nga inspektorët, shkruan Reporteri.net.
Ministri thotë se për të përballuar situatën do të hapen edhe spitalet private, për të krijuar kështu kapacitete të nevojshme.
Publikimi i plotë i ministrit Zemaj:
Të dashur qytetarë,
MASAT PARANDALUESE: Për të parandaluar virusin është vendosur që të ndalohet lëvizja në disa komuna gjatë orarit të caktuar, reduktim të numrin të të punësuarve në institucione, reduktim të shërbimeve shëndetësore jo esenciale në institucione shëndetësore, krijim të kapaciteteve të reja testuese në regjione, licencim të institucioneve shëndetësore private për të kryer testime për Covid-19, blerje të 100,000 testeve virologjike, 500,000 vaksinave të gripit sezonal, porosi të vaksinës eventuale kundër Covid-19, blerje të 7 aparateve për testim, sigurim të terapive të Covid-19, pagesë dhe buxhet shëndetësor shtesë për personelin shëndetësor, pajisje mbrojtëse për personelin mjekësor, etj.
KAPACITETET: Institucionet shëndetësore do të rrisin kapacitetet me shtretër dhe pajisje mjekësore për të trajtuar rastet me Covid-19, do të riorganizohen klinikat në SHSKUK-së, do të krijohen kapacitetet shtesë me shtretër në spitalet rajonale, në institucionet private shëndetësore do të krijohen kapacitete shtesë më shtretër, do të riorganizohet dhe rritet personeli mjekësor shëndetësor, mobilizimi stafit mjekësor në nivel vendi, në veçanti shtohen kapacitetet në shërbimin e mikrobiologjisë, infektologjisë dhe shërbimeve të tjera të lidhura drejtpërdrejt me rastet Covid-19.
Ju lutemi respektoni masat mbrojtëse!
Pas numrit të madh të infektimeve si dhe humbjes së jetëve, dje Qeveria e Kosovës ndërmori masa të reja duke kufizuar edhe lëvizjen e qytetarëve.
Pas kësaj ka reaguar edhe ish-ministri i Shëndetësisë nga radhët e LDK-së, Imet Rrahmani.
Ai tha se më mirë i respekton masatë e vendosura, se sa kufizimet (apo orën policore).
“Unë më mirë dhe më lehtë i respektoj masat ( maska, distanca dhe higjiena) se sa kufizimet ( orën policore), e Ti?”, shkroi ai.