(Satirë në vargje)
Kur përmendej dikur shkenca
A kush fliste për meteorët,
Si e dimë mirë nga Mesjeta
N’derë i vinin inkuizitorët.
Dhe e prenin a krejt e digjnin
Si ma keq ia merrnin shpirtin,
Me qetësi me e bind turmën
Mburojë nxirrnin Jezu Krishtin!
Në shekuj shkenca eci tutje
Ndryshoi mendjen dhe planetin,
Që të dimë gjithë çka duam
Lamë e bani me internetin.
Mirëpo kemi një shkencë tjetër
Që në çastet më fatale,
Shkulë e ngulë organe trupit
Përfshi edhe ato seksuale!
Në Kosovën tonë të vogël
Nuk e di ku janë shkencëtarët,
Transplatime të çdo fushe
Bajnë e zhbajnë veç pushtetarët.
Transplatohen doktoratat
Në trutë tapë e ku jo tjetër,
Transplatohet edhe trimnia
Je a s’je ti zemër-lepur?!
Transplatohen gjithë meritat
Për dugjunjësit e Partisë-Shtet,
Transplatohet inkuizicioni
Nga Mesjeta n‘ modernitet!
Transplatohet nga legjendat
Mbi gruen akti i flijimit,
Transplatohet n’demokraci
Grusht-çeliku i Stalinit!
Por një vlerë shekullore
Ndër shqiptarë që konsumohet,
Në organet e Partisë –
Kurrë burrnia s’transplatohet!
23 qershor, 2020
![Fotografia e Faruk Tasholli](https://scontent-vie1-1.xx.fbcdn.net/v/t1.0-9/105032772_3265538673465455_8841850806164349408_n.jpg?_nc_cat=102&_nc_sid=8024bb&_nc_ohc=Hmij_kSGrdUAX_lA34L&_nc_ht=scontent-vie1-1.xx&oh=d830f18376b7a97decbab8f5d7b4798b&oe=5F1611F8)
![Fotografia e Faruk Tasholli](https://scontent-vie1-1.xx.fbcdn.net/v/t1.0-0/p261x260/105359956_3265539670132022_1021822338444619287_n.jpg?_nc_cat=111&_nc_sid=8024bb&_nc_ohc=rKIQhjuUjVMAX_iDtbm&_nc_ht=scontent-vie1-1.xx&_nc_tp=6&oh=a5fa06831f796ea733ffbc54dee2c43e&oe=5F1599C3)