Tubime në mbështetje të Donald Trump, por edhe kundër tij, u mbajtën në shtete të ndryshme të Amerikës, teksa presidenti festoi 74-vjetorin e lindjes.
Në Florida, e konsideruar si shtëpia e dytë e Trump, u mbajtën disa nga tubimet më të mëdha.
Një grup varkash të lyera me të kuqe, të bardhë dhe blu lundruan në nder të tij.
“Mendoj se është e mrekullueshme. Tregon se i gjithë vendi e mbështet atë. Ndryshe nga disa republikanë që nuk e mbështesin, ne e mbështesim. Populli amerikan e mbështet”, u shpreh Georgie Thurmond, mbështetëse e Donald Trump.
“Jemi këtu për të mbështetur presidentin. Edhe 4 vjet të tjera. Përpara!”, tha Edwin Russe, simpatizant i Trump.
Sidoqoftë, një karvan protestuesish anti-Trump u verifikua po në Florida, në shenjë proteste ndaj racizmit dhe për të kërkuar reformimin e policisë.
Protestues u mblodhën gjithashtu përpara Trump International në Nju Jork dhe Shtëpisë së Bardhë, duke kërkuar dorëheqjen e tij.