Shkup, 7 pril/ Gazeta FAKTI – Në seancën e fundit, Qeveria miratoi një dekret me fuqi ligjore për zbatimin e Ligjit për Sigurimin Shëndetësor gjatë gjendjes së jashtëzakonshme, sipas të cilit, trajtimi i qytetarëve pa sigurim shëndetësor do të përballohet nga Fondi i Sigurimeve Shëndetësore.
” Sot u miratua një Dekret me fuqi ligjore për zbatimin e Ligjit për Sigurimin Shëndetësor gjatë gjendjes së jashtëzakonshme, sipas të cilit personave të siguruar, të drejtat e të cilëve nga sigurimi i detyrueshëm shëndetësor, u janë mohuar për shkak të kontributit të paguar në mënyrë të parregullt ose pagesa e kontributit është vonua më shumë se 60 ditë, të njejtit mund të shfrytëzojnë shërbime shëndetësore në institucionet e kujdesit shëndetësor në lidhje me diagnostikimin dhe trajtimin e koronavirus KOVID-19 në llogari të Fondit të Sigurimeve Shëndetësore të Republikës së Maqedonisë së Veriut. Ky Dekret për trajtim nga KOVID-19, në llogari të Fondit, vlen edhe për qytetarët e Republikës së Maqedonisë së Veriut të cilët nuk janë të siguruar mbi asnjë bazë “, thuhet në kumtesën e Qeverisë.