Shkup, 3 qershor/ Gazeta FAKTI – Klinika e Psikiatrisë në Shkup është aktivisht e përfshirë në përballjen ,e virusin korona dhe janë hapur disa linja telefonike për mbështetje psikologjike
Nga kjo klinikë paralajmërojnë se në periudhën e ardhshme do të organizohen më shumë aktivitete për trajtimin e shëndetit mendor, duke u përfshirë në koordinimin e një hulumtimi ndërkombëtar për shëndetin mendor të popullatës gjatë kohës së pandemisë globale.
Hulumtimi po kryehet në disa vende europiane, kurse koordinator kryesor është Shoqata italiane e psikiatrisë sociale „Societa Italiana di Psichiatria Sociale“.
Qëllimi i këtij hulumtimi është matja e ndikimit të pandemisë Kovid-19 dhe masat e karantinës mbi shëndetin mendor të popullatës dhe ndërmarrja e preventivës adekuate shëndetësore.