Dy ditë pas vdekjes së George Floyd, një burrë me ngjyrë, i paarmatosur, pas keqtrajtimit nga një efektiv policie, nuk kanë të ndalur protestat në disa qytete amerikane.
Sipas CNN, ka protesta në pesë qytete. Në Minneapolis, ku edhe ndodhi ngjarja tragjike, protestuesit i vunë zjarrin një ndërtese policie. Zyrtarët e qytetit Minneapolis po u kërkojnë protestuesve pranë një stacioni policie të djegur që të tërhiqen pas sepse materiale eksplozive ka në ndërtesë.
Shefi i policisë në Minneapolis u kërkoi falje familjes së personit që vdiq në duart e tyre.
Dhe tashmë katër oficerë të policisë në Minneapolis u pushuan nga puna për vdekjen e Floyd pasi doli video nga vendi i ngjarjes.
Në pamjet shfaqet Floyd i shtrirë i prangosur në dysheme me fytyrën poshtë, duke u ankuar, duke kërkuar ndihmë dhe duke përsëritur, “Të lutem, nuk mund të marr frymë”.
Mbrëmjen e së mërkurës, protestuesit në qytet u përleshën me policinë që përdorën gaz lotsjellës për natën e dytë me radhë.
Trazirat, të shoqëruara nga plaçkitja dhe vandalizmi, filluan disa orë pasi kryetari Jacob Frey u bëri thirrje prokurorëve të paraqisnin një proces gjyqësor kundër një oficeri të bardhë të policisë, i cili e rrëzoi Floydin në trotuar.
Shefi i policisë tha që shumica e protestuesve ishin jo të dhunshëm, por se kishte një grup protestuesish të përqendruar në shkaktimin e trazirave.
Departamenti i Drejtësisë tha se një hetim mbi përfshirjen e policisë në vdekjen e Floyd ishte tashmë prioritet
E gjitha kjo ndodhi si pasojë kur një person me ngjyrë u arrestua dhe më pas vdiq.
Një kalimtar filmoi të gjithë rastin, dhe pamjet ngjallën një valë protestash në të gjithë SHBA-në.
Për të frenuar dhunën mësohet se mbi 500 trupa të Rojes Kombëtare janë nisur për në qytet.
Presidenti Donald Trump nuk ngurroi të kërcënonte protesuesit. “Mungesë e plotë udhëheqësie. Kryebashkiaku i të majtës radikale , Jacob Frey, ose të bëjë punën, pse do të fus në lojë Rojen Kombëtare”, tha Trump.
“Këta rrugaçë po çnderojnë kujtimin e George Floyd dhe nuk do të lejoj që kjo të ndodhë. Sapo fola me Guvernatorin Tim Walz dhe i thashë që ushtria është me të. Nëse has vështirësi, do ta marrim ne kontrollin, por kur të fillojnë plaçkitjet, do të nisin edhe të shtënat”.