Si pasojë e zjarrit, katër persona kanë marrë lëndime më të lehta, një i hospitalizuar për ekzaminime, katër objekte të djegura-shtëpi dhe stalla me kafshë. Ky është bilanci nga zjarri që dje pasdite ndodhi në fshatin malor të Tetovës, Vejce. Zjarri shpërtheu në orën 16:00, ndërsa u nevojitën disa orë për ta shuar.
Tetovë, 16 maj/ Gazeta FAKTI – Katër persona me lëndime më të lehta, një i hospitalizuar për ekzaminime, katër objekte të djegura-shtëpi dhe stalla me kafshë, është bilanci nga zjarri që dje pasdite ndodhi në fshatin malor të Tetovës, Vejce. Zjarri shpërtheu në orën 16:00, ndërsa u nevojitën disa orë për
ta shuar, raporton MIA.
“Intervenuam me dy kamionë dhe shtatë zjarrfikës. Dhamë maksimumin për ta vënë nën kontroll. Kishte erë që kontribuoi për përhapjen e flakëve”, theksoi Uka Aliti, komandant i Njësisë zjarrfikëse të Tetovës.
Nga Ndihma e shpejtë mjekësore, në vendin e ngjarjes u është ofruar ndihmë katër personave, ndërsa një person është dërguar në repartin intensiv për ekzaminime të mëtutjeshme.
Nga ky zjarr i shkaktuar, përpos dëmit të shkaktuar material, banorëve u janë djegur edhe një pjesë e bagëtive.
Pamjet nga pasojat e zjarrit:
