Në Ditën Ndërkombëtare të Gjuhës Amtare, ministrja e Jashtme Olta Xhaçka, ka shpërndarë një video emocionuese fëmijë nga të gjitha trevat shqiptare dhe disapora, teksa recitojnë vargjet e poezisë “Gjuha Shqype” të Ndre Mjedës.
Xhaçka falenderon mbi 450 mësues, të cilët në 19 vende të botës kontribuojnë që gjuha jonë të mësohet nga brezat e rinj.
“Mirënjohje për të gjithë bashkëatdhetarët tanë që trashëgojnë tek këta fëmijë shqipen e bukur” shkruan Xhaçka.
Që nga viti 1999 kur UNESCO shpalli 21 shkurtin Ditë Ndërkombëtare të Gjuhës Amtare, çdo vit në gjithë botë organizohen aktivitete me qëllim të ruajtjes dhe promovimit të gjuhëve amtare.