• Today is: Friday, March 29, 2024

ECOLOG hapi qendra testimi për COVID-19 në aeroportet e Belgjikës

fakti
January06/ 2021

Në tri qendrat e reja dhe ato të cilat i kishte hapur në shtator në këtë aeroport kompania “Ecolog”, gati 5 mijë njerëz u testuan në fundjavën e shkuar. Që nga maji, kjo kompani ka nisur me krijimin e qendrave të testimit për disa aeroporte evropiane

Javën e shkuar, dy qendra të reja testimi për koronavirus u krijuan në aeroportin e Brukselit në Belgjikë për vetëm 48 orë, falë një familjeje të pasur shqiptare, ka shkruar mediumi belg për tema të biznesit dhe ekonomisë “De Tijdt”.

Ky medium ka shkruar të martën për kontributin e familjes Destani nga Maqedonia e Veriut për vendosjen e qendrave të testimit në aeroportin e Brukselit. Emir Sadiki ishte duke festuar Vitin e Ri të enjten kur i telefonuan nga aeroporti, me kërkesën nëse mund të shtojë dy qendra testimi të shtunën, pasi rregullat e shtetit për udhëtarët në Belgjikë kishin ndryshuar, shkruan në fillim “De Tijdt”. Sadiki, menaxher në grupin “Ecolog”, menjëherë u përgjigj duke mundësuar ngritjen e tendave, transportimin e mostrave të testimit dhe gjetjen e personelit të trajnuar. Dy qendrat u hapën të shtunën, ndërsa një e tretë u ngrit të dielën. Në tri qendrat e reja dhe ato të cilat i kishte hapur në shtator në këtë aeroport kompania “Ecolog”, gati 5 mijë njerëz u testuan në fundjavën e shkuar.
Ecolog announces the opening of its COVID-19 Walk-In Test Center at  Eindhoven Airport - Ecolog International

Pas kontributit për testimin për COVID-19, mediumi belg ka shkruar për historinë e kompanisë që u themelua nga Nazif Destani në fund të viteve të ’90-a kur ai u takua me disa ushtarë gjermanë në misionin në Kosovë. Destani kishte kuptuar se ushtria gjermane kishte probleme me lavatriçe dhe kishte blerë shumë të tilla për t’ua ofruar shërbimet. Pas kësaj, ai siguroi thirrjen edhe për misionin në Afganistan. Pasi ishte i vetmi që guxonte të hynte në zonat e rrezikshme edhe ushtritë amerikane dhe britanike shfrytëzuan shërbimet e tij.

“Ecolog” me këtë rast u bë kompani e madhe me shërbim në më shumë se 30 shtete e më shumë se 12 mijë punëtorë. Aty përfshihen të gjitha mjetet shtëpiake, por edhe ato që lidhen me veturat.

Që nga maji, kjo kompani ka nisur me krijimin e qendrave të testimit për disa aeroporte evropiane.
Ecolog announces the opening of its COVID-19 Walk-In Test Center at  Eindhoven Airport
Ecolog announces the opening of its COVID-19 Walk-In Test Center at  Eindhoven Airport - Ecolog International